[Paul Lismore] L'Etat de droit selon ASP Jag (Hi, tou sa sintetik mo p sezi p afekte moi)

Rédigé le 23/09/2022
Paul Lismore

1/ Si la police fer dezord avek Mahavir Swami dan la cour ene dimoune et si dimoune la plaigner ki c ene blasphemi sa, poursuiv li pou "inciting racial hatred"! Pa fer narien si personne pa kone kont ki kominote dimoune la p fer racial hatred, nek bour ene sarz lor li parski nou ki mari! 

2/ Kan tou kalite crimes ena dan Moriste, kan ban gangs ban gro bras et ti la cervelle p rant dan lakaz dimounes et kraz partou, kan zot p marsse avek sabres, fizi, revolvers, kouto en piblik, pa fer narien! Priorite ASP Jag (Hi, mo truv conplots partou!), c sa sarz bidon de "inciting racial hatred"! Fer apel boug la et warn li ki so interrogation pou "under warning", i.e. no bajas chaud chaud or gato piman for you, my dear chap!

3/ Si 2 kouyons dan lopposition in suspected de kondire loto aprer ki in tap larak, ferme zot pou 2 nuits! Meme si la cour donne zot caution zis Rs 3000, ki montre kouma la cour vreman konsidere latitid ban gablous dan sa case la. Si ninporte ki "nou bann" fer meme zafer, Eoula! Exkiz li! Ene bon piti sa. Aller, move along, nothing to see here!

4/ Kan la police largue videos intimes depi phone ki zot in sezi, pa faute la police sa! C ene conplot sa! Sa zavoka 4 sous la (kouma komisser Dipshit apel li) p rode montre dimoune ki so zizi gro et longue. Zot pa truver ki li p rode fer boukou zom gagne ene conplex dinferiorite akoz zot zizi grosseur ene frozen chip ki pa enkor frire? Zot pa truve ki ene conplot sa? Ar moi non, Kouma Jag (Hi, moi mo ena ene long brinzel, moi) pou dire....

THE NEW CHARGES THAT TI CRETIN'S POLICE WILL BRING AGAINST THE OPPOSITION SOON:

1/ Berenger, parski tou zafer li dire "en temps et lieu". Avan, tou zafer ti " Il faut laisser le temps au temps". Boukou dimounes p amerde ki li nepli servi ene mot ki zis li tousel ti p servi: simagree. Jag(Hi, c ene conplot kont bann simagrees sa!) pou dire ki sa oussi, c inciting racial hatred parski dimoune kouyon kapav dire ki zot tann "Seemadree", ki ene nom telegu, kan li dire "simagree".....

2/ Ramgoolam, parski li tro dire " kan mo la, zot pa pou peur et kan zot la, mo pa pou peur!" Jag (Hi, mo pa peur lopposition, moi!) p dire, b boug la p incite dimoune pou fer riot! Al arete li et interoz li under caution et met Riot Unit on stand by!

3/ Zaza: pa kapav tousse li pou le moman parski li en deor pays et li p fer so Leela lipala. Mai kouma li retoune, bizin questionne li under warning parski li p dire ki nou dan ene etat policier. Menti sa! Jag (Hi, tan ki Pravind la, la police ki mari!) pou guetter si kapav arete li pou sedition. Ene zoli la loi sa, sa zafer sedition la. Si p marse divan Lassenblee National et zot truv Speaker et zot largue ene gro pt et dire li, ein, met sa parfum la dan ene boutey, gro bouffon, SEDITION sa! Mari la loi sa! Kapav arete ninporte kisan la lor ninporte ki zafer et apel sa sedition...

Gablous pa interesse avek lezot politiciens dan lopposition parski zot dire ki ene gaspiyaz sa. Zot prefere aret Ivann Bibi parski so videos tro long...

Rapel bien! Tan ki Jag (Hi, mo kontan fer interview kot mo pa montre mo figire, mai mo montre zis ledo et mo fesse) la avek Jangi, Dipshit, Ghoorah, Coota, et ene 2 lezot "patriotes", nou pa pou mank entertainment. Sirtou kan in fini arete dimounes pou narien et Jag (Hi, ala ene lot conplot!) vine donne ban explications vreman bidon. Kouma zot dire, nou ti bien bizin ene clown pou fer nou rier, non? Merci Jag(Hi, mo kontan fer dimoune rier).